Танымал жазушы Балғабек Қыдырбекұлы қоғамдағы келеңсіз мәселелерді сынап,әртүрлі тақырыптарда ысқақ,фельетондар жазды.Алғашқы фельетондар жинағы «Ешкімге айтпа» деген атпен 1962 жылы жарық көрген.Кейінгі жылдарда да осы жанрда өнімді туындылар жазды.Соның нәтижесінде «Шайтанның шатағы» (1966), «Қара сандық»(1969), «Маздаған шырақ»(1971), «Ұрының еншісі»(1972), «Ақпа құлақ»(1978), «Алатау»(1,2 кітап,1986,1991), «Ақымақтың миы»(1993) секілді шығармалар жинағы жарық көрді.
Балғабек Қыдырбекұлы өз шығармаларында халық тарихын,сөз өнерін зерттеді.Сонымен қатар ұлт тарихындағы ірі тұлғалардың бейнесін де шебер сомдаған.Осы тақырыпта қаламынан «Түгел сөздің түбі бір» (1993), «Қым-қиғыш жолдар»(1993), «Қайран Ораз»(1999) және т.б. еңбектері туды.
Б.Қыдырбекұлы «Түп-тұқияннан өзіме дейін» деп аталатын Қазыбек бек Тауасарұылының қолжазбасын тауып,кітап етіп шығарды.
Балғабек Қыдырбекұлы әңгіме жанрында көптеген шығармалар жазды.Оның «Темір-жолшы», «Жалғыз жолбарыс өлімі» және т.б. әңгімелерінде қазақ даласындағы сан түрлі оқиғалар шеберлікпен суреттелді.
Балғабек Қыдырбекұлы Қазақ КСР Жоғары Кеңесінің екі мәрте (1983,1990) депутаты болып сайланды.Оған қазақ журналистикасы мен әдебиетіне сіңірген еңбегі үшін мемлекеттік марапат берілді.Жазушы әрі журналист Б.Қыдырбекұлы «Еңбек Қызыл ту», «Халықтар достығы» ордендерімен марапатталды.
Б.Қыдырбекұлы 1995 жылы 25 маусымда Алматы қаласында қайтыс болды.
Тапсырмалар:
1.Мәтінге сүйеніп,Б.Қыдырбекұлының лауазымдық қызметін көрсететін көрнекі диаграмма жаса.
2.Мәтіндегі сан есімдерді жазумен жазып шық.
3. «Шығарма» сөзіне фонетикалық талдау жаса.